होमपेज / शिक्षा
प्रकाश शर्मा मंसिर १०,सल्यान
दार्मा गाउँपालिकामा सार्वजनिक शिक्षा सुधार एवं विपदमा सिकाइ निरन्तरता सम्बधि सरोकारवालासँगअन्तरक्रियात्मक कार्यक्रम सम्पन्न भएको छ ।
आइतबार दार्मा गाउपालिका शिक्षा समितिको आयोजनामा दार्मा गाउँपालिकाको सभाहलमा अन्तरक्रिया कार्यक्रम सम्पन्न भएको हो ।
विद्यमान शैक्षिक अबस्था ,चुनौति र विद्यालयले सम्पादन गर्नुपर्नै न्युनतम भुमिका विषयमा राष्ट्रिय योजना आयोग कर्णाली प्रदेशका सदस्य जित वहादुर शाहले आफ्नो धारणा राख्नु भएको थियो ।
पुर्व जिल्ला शिक्षा अधिकारी समेत रहनु भएका शाहले हाल कर्णाली प्रदेशले लिएको शिक्षा नीति ,योजना समेत प्रस्तुत गर्नुभएको थियो । सामुदायिक विद्यालय व्यबस्थापन समितिका केन्द्रीय सदस्य सेतिराम रोकाहाले नेपाल सरकारले नयाँ शिक्षा ऐन यथासिघ्र लागु गर्नुपर्ने वताउनु भयो । रोकाहाले नयाँ शिक्षा एेन नहुँदा सामुदायिक विद्यालयमा शैक्षिक गुणस्तर घट्दोक्रममा रहेको बताउदै शिक्षामा माफियाहरुको हावि भएको दावि गर्नु भयो ।
कार्यक्रममा दार्मा गाउँपालिका शिक्षा शाखा प्रमुख रोम प्रसाद पान्डेयले दार्मा गाउँपालिकामा आ व २०८०/८१ को शैक्षिक तथा आर्थिक गतिविधि र गत मंसिर १७ गते राति जाजरकोटको रामिडाँडा केन्द्रविन्दु बनाईगएको ६/४ म्याग्नेच्युटको भुकम्पले सल्यानको दार्मा गाँउपालिकामा भएको भौतिक क्षति र पछि संचालन भएको गतिविधि प्रस्तुत गर्नु भएको थियो ।, कार्यक्रमको अध्यक्षता दार्मा गाँउपालिका उपाध्यक्ष जुना मल्लले गर्नुभएको थियो भने सहजिकरण शिक्षा समिति सदस्य मीन बहाुर ओलीले गर्नु भएको थियो ।