होमपेज / शिक्षा
प्रकाश शर्मा कार्तिक २७,सल्यान
सल्यानको दार्मा गाउँपालिका वडानं ३ फारुला स्थित श्री जनज्योति माध्यमिक विद्यालयले गणित विषय शिक्षणका लागि ल्याब सञ्चालनमा ल्याएको छ । शिक्षक विद्यार्थीको उत्साहजनक कार्यका लागि गणित विषयको ल्याब सञ्चालनमा ल्याएको विद्यालय प्रशासनले जनाएको छ ।
गणित विषय दैनिक जीवनसँग प्रत्यक्ष जोडिएको विषय भएकाले बालबालिकालाई सिकाइमा सहजता ल्याउन ल्याब सञ्चालनमा ल्याइएको हो ।
ल्यावको निर्माण र प्रयोगपछि जस्तासुकै अमूर्त विषयलाई पनि गर्दै र सिक्दै पद्दतीबाट एवम् जानेकोबाट नजानेकोतर्फ तथा अभ्यासबाट सुत्रतर्फ लैजान सकिने प्रधानाध्यापक तथा गणित विषय शिक्षक मिन बहादुर ओलीले बताउनुभयो । ल्यावको प्रयोगबाट बालबालिकामा वैज्ञानिक सोचतर्फ उन्मूख गराउन धारणा निर्माण गर्न सकिने पनि उहाँको भनाई छ । ल्यावमा अंकगणित, विजगणित तथा ज्यामितीय धारणा बसाउन प्रयोग हुने सामग्री र बालबालिकाका अन्य रचनात्मक सामग्री समेत रहेका छन् ।
छोटो समयमा निर्माण गरिएको हुनाले ल्याबको अझै विस्तार गरिने र विद्यालयले बालबालिकाको पठनपाठनमा आवश्यक कुनै पनि सामग्री अपुग हुन नदिने प्रधानाध्यापक ओलीको भनाई छ ।
दार्मा गाउँपालिका को पाँच लाख आर्थिक सहयोगमा ल्याब सञ्चालनमा आएको हो ।
.jpg)
