होमपेज / राजनीति
इन्द्र बुढाथोकी १०, सल्यान
बनगाड कुपिण्डे नगरपालिकाको नीति तथा कार्यक्रममा कोरोनाका कारण मृत्यु भएमा २५ हजार रकम उपलब्ध गराउने उल्लेख गरिएको छ ।
बुधबार सम्पन्न नीति तथा कार्यक्रममा नगरपालिकाका कुनै पनि नागरिकको कोरोना भाइरसबाट मृत्यु भएमा २५ हजार रकम उपलब्ध गराउने निर्णय गरेको हो । नीति तथा कार्यक्रममा आमाबुबा गुमाएका १० वर्षका बालबालिकालाई मासिक ५ सय आर्थिक साहयता दिने , डिप्लोमा ३ वर्षे कार्यक्रम प्राविधिक शिक्षालयको नंया सम्बन्धन लिन चाहाना गर्ने सामुदायिक विद्यालय आवश्यक भौतिक सुधारको लागि एक मुस्ट ३ लाख अनुदान दिने कार्यक्रम समेत पारित गरेको मेयर गोविन्द कुमार पुनले बताए ।
साथै नगरपालिका भित्र कसैले ३ तला भन्दा अग्लो भवन बनाउनु परेमा अनिवार्य रुपमा माटो र भौगोलिक परिक्षण गराउनु पर्ने व्यवस्था गरिएको छ । नक्सा पास नगरी बनाइएका भवनहरुको नक्सा पास गर्न सुचना प्रवाह गरिने , तोकिएको समय भित्र नक्सापास नगर्ने घर धनिहरुलाई नगरपालिकाबाट दिइने सेवा सुविधामा रोक लगाउनुका साथै अन्य कानुन बमोजिम कारबाही गरिने छ नीति तथा कार्यक्रममा उल्लेख छ ।
.jpg)
