होमपेज / राजनीति
इन्द्र बुढाथोकी असोज ३,सल्यान
संविधान दिवसको अवसरमा सल्यानको बनगाड कुपिण्डे नगरपालिकाले ५ जना अतिविपन्न परिवारलाई राहत वितरण गरेको छ । आठौं संविधान दिवसको अवसरमा अति विपन्न, सहारा विहिन ५ जनालाई राहत वितरण गरिएको हो । पारिवारिक आर्थिक अवस्था कमजोर भएका साहारा विहिन विमला पुन, जिउने कामी सरिता ताउले देवी बस्नेत, दिविशा विकलाई २५ किलो चामल, २ किलो दाल, १ पोका नुन, १ लिटर तेलका दरले राहत दिएको छ ।
यस्तै दिवसको अवसरमा श्रीकृष्ण मन्दिर, प्रभाकर माध्यमिक विद्यालय र सल्लीबजार सरसफाइ गरिएको छ । सविधान दिवसको अवसरमा सन्देश मुलक कार्यक्रम अन्र्तगत सरसफाइ तथा जनचेतनामूलक कार्यक्रममा सहभागी सबैलाई धन्यवाद दिदै विगतमा सरसफाइ अभियान गरिएको र अहिले जनचेतनामूलक कार्यक्रम हुँदै थप बजार सरसफाइ अभियानलाई अगाडि बढाउने केही समय बजार क्षेत्रलाई चौडाई गरिने समेत नगर प्रमुख बुढाथोकीले बताउनु भएको छ । सरसफाइ कार्यक्रम नगर प्रमुख बुढाथोकी लगाएत जनप्रतिनिधि, कर्मचारी, राजनीतिक दल, नेपाली सेना, नेपाल प्रहरी, लगाएतको उपस्थिति रहेको थियो ।
.jpg)
