होमपेज / राजनीति
इन्द्र बुढाथोकी भदौ २० सल्यान ।
सल्यानको प्रमुख पर्यटकीय स्थल कुपिण्डे तालमा अखिल क्रान्तिकारी सल्यानको १८ औँ जिल्ला सम्मेलन सम्पन्न भएको छ ।
अनेरास्ववियू क्रान्तिकारी १८ औँ जिल्ला पर्यटकीय क्षेत्र कुपिण्डे तालमा १० जना पछि थप्ने गरी ५१ जनाको कमिटी घोषणा गर्दै सम्मेलन सम्पन्न भएको छ । जिल्ला कमिटी घोषण गरे पनि नेतृत्व भने टुङ्गोमा पुग्न सकेको छैन । अध्यक्षमा धेरैको दाबी रहेको थियो । तर सहमति जुटाउन नसक्दा नेतृत्व चयन विना कमिटी मात्र चयन गरिएको छ ।
१८ औँ जिल्ला सम्मेलन उद्घाटनमा बोल्दै अनेरास्ववियु क्रान्तिकारीका केन्द्रीय अध्यक्ष रञ्जित तामाङले सङ्गठन शैक्षिक माफियाको विरोधमा लाग्नु पर्ने बताए । पार्टी एकता र कोभिडले पारेको असरको क्षतिपूर्ति सहित नयाँ कमिटीलाई शैक्षिक आन्दोलनमा होमिन आग्रह गरे ।
एमालेका अध्यक्ष केपी ओली मा कम्युनिस्ट आचारको नभएको दाबी गरे । पूर्व प्रधानमन्त्री केपी ओली कुरा मात्र गर्ने तर काम नगर्ने उनको भनाई छ । जनतालाई भ्रम पारेर विकासका ठुला ठुला कुरा गर्ने तर काम भने शून्य गरेको उनको भनाई छ ।
सहिद बेपत्ता परिवारको सपना पूरा गर्ने र जनयुद्धको आधार इलाका मान्छेका कुरा बुझ्न आफू सल्यान आएको तामाङले बताए । उनले जनयुद्धको समयमा सहिद , बेपत्ता परिवारलाई कुनै पनि हिसाबले व्यवस्थापन गर्नु पर्ने बताए । सङ्गठनको नेतृत्व गरेको आधार इलाका पार्टीलाई पुनः गठन गरेर अब देशमा नै माओवादी मय बनाउने सोचले आधार इलाका आएको बताएका छन् । शैक्षिक तथा स्वास्थ्य क्षेत्रमा माफियाहरूले भ्रष्टाचार गरेको समेत गरेकाले यसलाई अब आउने नयाँ नेतृत्वको टिमले रोक्नु पर्ने उनको भनाई छ ।
.jpg)
