होमपेज / कला/साहित्य
प्रेम दिवस र गुलाबका फूलहरू
फेब्रुअरी चाैध !
तिम्रो अागमनकाे प्रतिक्षामा स्वागताभिलासी
धेरै प्रेमाेत्सुक मनहरू
फेसन बनेर उभिएको देखेँ
मलाई मन नपरेको दिन
सायद तिमी हाै ।
तिम्रो भ्यालेन्टाइनकाे नाममा
प्रेमको कृत्रिम अभियानमा
असङ्ख्य युवक, युवतीहरूका
स्वप्निल अाकाङ्क्षाहरू राेपिन्टन्
बाँझो कल्पित खेतमा/बारीमा
बीजहरू धेरैजसो
माटाेभित्रै कुहिन्छन्
केही अङ्कुराएर
कठ्याङ्ग्रिएर मर्छन् ।
प्रेमले कुनै महिना, गते र बार पर्खिंदैन
यसका लागि छेकबार हुँदैन ।
प्रेम भावनात्मक तरङ्ग हाे
प्रेम अन्तर्मनकाे उमङ्ग हाे ।
भ्यालेन्टाइन डे!
तिम्रो स्वागतमा
असङ्ख्य गुलाबका फूल र काेपिला
वृथा बलि चढाइन्छन्
फेसनको लागि निरर्थक
प्रणयका गाथा सुनाइन्छन्
मलाई मन नदिएर
फूल दिने संस्कृति मन पर्दैन ।
.jpg)
