होमपेज / शिक्षा
सरिता चलाउने पुस १६,सल्यान
सल्यानको सिद्ध कुमाख गाउँपालिका वडा नम्बर २ सालघारीमा रहेको श्री महेन्द्र आधारभूत विद्यालयका बालबालिकालाई न्यानो कपडा वितरण गरिएको छ । कर्णाली प्रदेश समाज दक्षिण कोरियाद्वारा विद्यार्थीलाई न्यानो कपडा वितरण गरिएको हो ।
विद्यालयका एक कक्षा देखि पाँच कक्षा सम्मका ४६ जना बालबालिकालाई न्यानो कपडा वितरण गरिएको स्थानिय मेगराज बुढाथोकीले जानकारी दिए । उनका अनुसार कर्णाली प्रदेश समाज दक्षिण कोरियाको सहयोगमा थान २० र दक्षिण कोरियामा रहेका सिद्ध कुमाख गाउँ पालिका भित्रका सम्पूर्ण युवाहरूको सहयोगमा २६ गरी ४६ थान कपडा वितरण गरिएको छ । चिसोबाट बच्नको लागि न्यानो कपडा वितरण गरिएको बुढाथोकीको भनाई छ ।
सामाजिक व्यक्तित्व प्रेम बोहराको सहयोगमा बालबालिकालाई न्यानो कपडा वितरण गरिएको हो । सहयोग गर्ने कर्णाली प्रदेश समाज दक्षिण कोरिया र युवाहहरुलाई विद्यालय व्यवस्थापन समिति र विद्यालय परिवारले धन्यवाद समेत दिएको छ ।
.jpg)
