ट्रेण्डिङ

होमपेज / राजनीति

नेकपाको उपाध्यक्षमा बामदेव गौतम

  दिपक शर्मा २०७६ मंसिर ६ गते शुक्रबार २३:१८:०५ मा प्रकाशित

३१ साउन, काठमाडौं । सत्तारुढ नेपाल कम्युनिस्ट पार्टी (नेकपा) ले बामदेव गौतमलाई उपाध्यक्ष बनाउने भएको छ ।

नेकपा सचिवालयको शुक्रवार बसेको बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले उपाध्यक्ष पद सिर्जना गरेर गौतमलाई जिम्मेवारी दिने प्रस्ताव राखेका हुन् ।

तत्कालीन एमाले र माओवादी मिलेर नेकपा गठन गर्दा दुई अध्यक्ष र महासचिव मात्र तोकिएको थियो तर पार्टी एकताको डेढ वर्षपछि गौतमका लागि उपाध्यक्ष पद सिर्जना गरिएको छ ।

‘अध्यक्षद्धयले बामदेवलाई उपाध्यक्ष बनाउने प्रस्ताव राख्नुभएको छ । उहाँहरुले त आजै निर्णय गरौं भन्नुभएको थियो तर हामीले अर्को बैठकमा गरौं भनेका छौं’ एक नेताले भनेका छन् ।

नेकपा महासचिव बिष्णु पौडेलले पनि गौतमलाई उपाध्यक्ष बनाउने प्रस्ताव स्थायी कमिटीमा लगिने अनलाइनखबरलाई बताए ।

तत्कालिन एमालेका वरिष्ठ उपाध्यक्ष गौतम अध्यक्ष तथा प्रधानमन्त्री केपी शर्मा ओलीसँग असन्तुष्ट थिए । उनी पार्टी एकतापछि अध्यक्ष प्रचण्ड, वरिष्ठ नेता माधवकुमार नेपाल, नेता झलनाथ खनाल र प्रवक्ता नारायणकाजी श्रेष्ठ समूहमा सक्रिय थिए ।

पाँच नेता एक ठाउँमा उभिँदा सचिवालयमा पार्टी अध्यक्ष ओली स्वयं अल्पमतमा परेका थिए ।

प्रतिक्रिया

सम्बन्धित खवर

Top