होमपेज / राजनीति
दिपक शर्मा साउन ३१, सल्यान
कर्णाली प्रदेशका भूमि ब्यवस्था कृषि तथा सहकारी मन्त्री विमला केसीले कृषिक्षेत्रको विकासका लागि कृषकलाई ब्याज अनुदान , सहुलियत ऋण र विपन्न वर्ग लक्षित कार्यक्रम सञ्चालन गरिने वताएकी छन् ।
व्याज अनुदान, सहुलियत ऋण कार्यक्रम सञ्चालन गर्न आवश्यक नीति, कानुन निर्माणको काम भई रहेको उनको भनाई छ ।
शनिबार सल्यान खलंगामा आयोजित मुख्यमन्त्री उत्कृष्ट कृषक पुरस्कार वितरण कार्यक्रममा बोल्दै मन्त्री केसीले कृषिमा ब्यवसायिकरण, नयाँ प्रविधि र यान्त्रिकरणमा जोेड भन्दा कृषि र कृषकलाई हेर्ने सोचमा समस्या रहेको बताइन । उनले भनिन ‘कृषि पेशालाई मर्यादित र सम्मानित पेशाको रुपमा नलिएसम्म कृषि क्षेत्रमा परिवर्तन देख्न सकिदैन । परिश्रम,मेहनत गर्नेलाई सम्मान गर्ने संस्कार विकास गर्न आवश्यक छ ।’
कृषि मन्त्रालयले कृषकले उत्पादन गरेको वालीको न्यूनतम समर्थन मूल्य कायम गर्ने र विमाको आधारमा कृषिकलाई पेन्सनको तयारीमा रहेको समेत बताइन । उनले भनिन ‘प्रदेश सरकारले कृषकले उत्पादन गरेको सवै वालिको न्यूतम समर्थन मूल्य तोकन नकसे पनि केही बालिको मुल्य निर्धारण गर्दैछौं ।’
.jpg)
