होमपेज / राजनीति
सरिता चलाउने मङ्सिर २४,सल्यान
नेपाल कम्युनिस्ट पार्टी (एकीकृत समाजवादी) का पोलिटव्युरो सदस्य तथा लुम्बिनी प्रदेश अध्यक्ष मेटमणि चौधरीले अबको चुनावमा नेकपा एमाले कोल्याप्स हुने दाबी गरेका छन् । एमालेले चुनाव जिते देशमा बवाल मात्र मच्चिने भएकाले केपी ओली जस्तो बेठिक मान्छेलाई समाप्त गर्नुपर्ने बताए ।
समाजवादी प्रेस सङ्गठन सल्यानले शुक्रवार खलङ्गामा आयोजना गरेको पत्रकार सम्मेलनमा बोल्दै चौधरीले अबको निर्वाचनमा सबै कम्युनिस्ट पार्टीसँग एकता र सहकार्य गर्ने तर एमालेसँग कुनै पनि हालतमा एकता हुन नसक्ने दाबी गरे । लोभिपापिहरुको पार्टी समूह बिस्तारै सकिँदै जान थालेकाले ओलीका दासहरू मात्र बाँकी रहने बताए ।
केपी ओलीकै कारण नेपालमा कम्युनिस्ट आन्दोलन सकिँदै जान थाले पछि आफूहरूले विद्रोह गरेर पार्टी जोगाउने काम गरेको चौधरीको भनाई छ । एकीकृत समाजवादी पार्टी कमजोर हुने चान्स नभएकाले अबको मूल पार्टी एकीकृत समाजवादी नै हुने उनको दाबी छ । । उनले भने हामी एमालेबाट चोइटिएको नभई पार्टी जोगाउनको लागि र पार्टीलाई विकास गर्नको लागि गएका हौ ।
आफ्नो पार्टी जनताको लागि जन्मेको बताउँदै जनताले महसुस गर्ने गरी काम गर्ने र एमालेसँग विद्रोह नगरेको भए र पार्टी निर्माण नभएको भए कम्युनिस्ट पार्टी समाप्त भएर जाने अवस्था रहेको उनले बताए ।
.jpg)
