होमपेज / राजनीति
सरिता चलाउने साउन १६,सल्यान
कर्णाली प्रदेश सरकारले संचालन गरेका योजनाहरुको शनिबार विभिन्न योजनाहरुको अनुगमन गरिएको छ । मुख्यमन्त्री रोजगार कार्यक्रम लगायत विभिन्न योजनाबाट सञ्चालन भई सम्पन्न भएका योजनाहरुको कर्णाली प्रदेश मुख्यमन्त्रीका राजनीतिक सल्लाहाकार भीम प्रकाश शर्मा लगायतको टोलीले अनुमगन गरेको हो ।
जिल्लाको बागचौर नगरपालिका ९ काउलाबोटमा निर्माण सिचाई पोखरीको अनुगमन गरिएको हो । बिशेष गरी सुख्खायममा सुन्तलाको बोटलाई सिचाई गर्नको लागि निर्काण गरिएको सिचाई पोखरीको अनुगमन गरिएको कर्णाली प्रदेशका मुख्यमन्त्री राजनितिक सल्लाहकार भिम प्रकाश शर्माले बताए। काउलावोटका ९ घरका करीव ८ हजार सुन्तलाको बोटलाई सुख्खा समयमा सिचाइ गर्ने गरी सिचाई पोखरी निर्माण गरिएको छ । यस्तै कुईयापानी खर्सु सडकको पनि अनुगमन गरिएको छ । प्रदेश सरकारको सिचाई पोखरीका लागि रु १७ लाख र सडक २५ लाखमा जनताले श्रम गरेर निर्माण गरेका छ ।
\
यस्तै वडा नम्वर ८ मा रहेको रानी पोखरी, गैरागाउँमा रहेको खानेपानी योजना पुर्ननिर्माणको पनि अनुगमन गरिएको छ । पुर्न निर्माण भएको पोखरीको पनि आज अनुगमन भएको हो । विकास र जनताको आय आर्जनलाई एकसाथ जोडेर लैजानु पर्ने अनुगमनमा कर्णाली प्रदेशका मुख्य मन्त्रीका राजनीतिक सल्लाहकार भीम प्रकाश शर्माले बताए । मुख्यमन्त्री रोजगार कार्यक्रमबाट गाउँमा विकास र जनताले रोजगारी समेत पाएको शर्माको भनाई छ ।
मुख्यमन्त्री रोजगार कार्यक्रमका लागि बागचौर नगरपालिकामा मात्र करिब ६ करोड बजेट बिनियोजन भएको थियो । जस मध्य सिचाई, खानेपानी, सडक लगायतका योजनाहरु रहेका छन ।





.jpg)