होमपेज / समाज
प्रकाश शर्मा पुस १९, दार्मा
दार्मा गाउँपालिका वास इकाई शुस्वाको आयोजनामा दार्मा गाउँपालिकामा उपभोक्ता समिति व्यवस्थापन तथा खरिद प्रक्रिया सम्बन्धी तिन दिने तालिम सुरु भएको छ ।
तीन दिनसम्म सञ्चालन गरिने तालिममा दार्मा गाउँपालिका भित्रका ६ वटा खानेपानी योजना समितिका पदाधिकारी ,पाँच सामुदायिक विद्यालयका प्रधानाध्यापक तथा अध्यक्ष ,६ वटै वडाका वडाध्यक्षहरू गरी जम्मा ४० जना सहभागी रहेका छन् ।
दार्मा गाउँपालिकामा वासइकाइ सु स्वा परियोजनाबाट निर्माण गरिने योजनाहरू कसरी दिगो बनाउने, उपभोक्ता समिति कसरी समावेशी बनाउने , कति जनाको समिति निर्माण गर्ने, समिति भित्रका पदाधिकारी भूमिका कस्तो रहन्छ, योजना निर्माण पस्चात संरक्षणको व्यवस्था कसको रहने लगायतका विषयमा तालिम प्रदान गरिने आयोजकले जनाएको छ ।
यस्तै योजना निर्माणमा प्रयोग हुने सामानको गुणस्तर तथा परिणाम कस्तो हुन्छ, योजना निर्माणमा सामान खरिद प्रक्रिया कसरी सहज र सरल गर्न सकिन्छ,योजना निर्माण गर्दा उपभोक्ता मितिकोको जिम्मेवारी कस्तो रहन्छ, योजना निर्माणमा जन श्रमदान उपभोक्ताको सहभागिता र कति र कसरी गर्ने ,
योजना सम्झौता कसरी गर्ने, आवश्यक डकुमेन्ट्री के के रहने, योजना को रकम भुक्तानी प्रक्रिया र चाहिने डकुमेन्ट्री के के हुन भनी उपभोक्ता अलमलिनु नपरोस र समयमै दिगो योजनाहरू सम्पन्न हुने उद्देश्यका साथ तालिम सञ्चालन गरिएको दार्मा गाउँपालिका शुस्वा इकाई अधिकृत प्रकाश थापाले जानकारी दिनु भयो ।
सु स्वा परियोजना वास परिचालक पुष्पा रोकायको सहज करणमा सञ्चालन रहेको तालिम पुस २० गते सम्म चल्ने आयोजकले जनाएको छ ।
.jpg)
