होमपेज / समाज
प्रकाश शर्मा मंसिर २६,सल्यान
आउँदै गरेको निर्वाचनलाई लक्षित गरी निर्वाचन कार्यालयले सञ्चालन गरेको मतदाता नामावली संकलन विशेष कार्यक्रममा दार्मा गाउँपालिकाका १ हजार ८ सय ६५ जनाले आफ्नो नामावली दर्ता गराएका छन् ।
अभियानकै रुपमा सञ्चालन भएको विशेष कार्यक्रममा दार्मामा नयाँ मतदाताका रुपमा १ हजार ८ सय ६५ जना थपिएका हुन ।
निर्वाचन कार्यालयका अनुसार १७ गतेदेखि सञ्चालन भएको कार्यक्रममा आज अन्तिम दिनसम्म पुरुष ९८४ र महिला ८८१ जनाले नामवली फारम भरेका छन् ।
आँउदो निर्वाचनको तयारी र इलाका प्रशासन कार्यालय थारमारेबाट नागरिकता बनाएका सेवाग्राहीलाई मध्यनजर गरी कार्यक्रम सञ्चालन गरिएको जिल्ला निर्वाचन कार्यालयका दर्ता अप्रेटर इन्द्रबहादुर बस्नेतले जानकारी दिए । मतदाता नामावली संकलन कार्यक्रममा सेवाग्राहीको उल्लेख्य सहभागिता रहेको उनको भनाई छ ।
.jpg)
