ट्रेण्डिङ

होमपेज / समाज

दार्मा गाउँपालिकामा २२ औं राष्ट्रिय सरसफाइ सप्ताह

  प्रकाश शर्मा २०७८ जेठ २६ गते बुधबार १५:०१:४८ मा प्रकाशित

प्रकाश शर्मा जेठ २६,सल्यान 
सल्यानको दार्मा गाउँपालिकामा २२ औं राष्ट्रिय सरसफाइ सप्ताह विभिन्न कार्यक्रम गरी मनाइएको छ । 

महामारुी विरुद्ध अग्रसरता, खानेपानी, सरसफाइ र स्वच्छता भन्ने मुल नाराका साथ यस वर्ष कोरोना महामारीका बिचमा विभिन्न कार्यक्रम गरी मनाइएको छ । 
सरसफाइ सप्ताहको अवसरमा गाउँपालिकाका बस्तीहरुमा पुगी सरसफाइ सम्बन्धी जनचेतनामुलक कार्यक्रम गर्नुका साथै हात धुने ६ तरिका पनि सिकाइएको नेपाल रेडक्रस सोसाइटी उपशाखा दार्माका अध्यक्ष अनन्त प्रसाद शर्माले जानकारी दिए । ६ तरिकाले हात धुने तरिकासँगै २ सय १४ जनालाई हात धुने साबुन र मास्क वितरण गरिएको उनको भनाई छ ।

 विश्वभर फैलिएको कोरोना भाइरसको संक्रमणले सरसफाइलाई झनै महत्व बढाएको शर्माको भनाई छ । सरसफाइबाट नै ९० प्रतिशत भन्दा बढी रोगहरु नियन्त्रण गर्न सकिने उनले बताए । 
 

प्रतिक्रिया

सम्बन्धित खवर

Top