होमपेज / समाज
वैशाख ७,सल्यान
कुमाख गाउँपालिकाको एक जंगलमा लागेको डढेलो बस्तीमा पस्दा ५ घरगोठ जलेर नस्ट भएका छन् । कुमाख गाउँपालिका वडा न ३ मा र रहेको रातपहरा सामुदायिक वनमा लागेको डढेलो राम्रीको गाउँमा पसेको थियो ।
आगोले नन्दराम वलीको १ घर र १ गोठ, क्षेत्र बहादुर वलीको १ घर र १ गोठ होतिराम वलीको १ गोठ पूर्ण रुपमा जलेको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए । आगलागीबाट घर भित्र रहेको अन्नपात, लत्ताकपडा, गरगहना, नगद गरी झन्डै २० लाख २० हजार बराबरको क्षति भएको उनको भनाई छ । बस्तीमा पसेको आगो प्रहरी, स्थानीयको सहयोगमा नियन्त्रणमा आएको छ ।
लामो समयको खडेरीका कारण सल्यानका अधिकांस वनहरुमा अहिले डढेलो लागी रहेको छ ।
.jpg)
