होमपेज / खेलकुद
केयलिन एमबापेले गरेको दुई गोलमा पेरिस सेन्ट जर्मेन (पीएसजी) ले शुक्रबार फ्रान्सेली लिग वानमा एन्गर्सलाई २–१ ले हराएको छ । जितसँगै पीएसजी उपाधिनजिक पनि पुगेको छ ।
फ्रान्सेली अन्तर्राष्ट्रिय खेलाडी एमबापेले नवौं मिनेटमा गोलको खाता खोलेपछि २६ औं मिनेटमा दोस्रो थपे । एन्गर्सका तर्फबाट खेल सकिन तीन मिनेट अगाडि साडा थिउबले सान्त्वना एक गोल फर्काए ।
यो जितपछि पीएसजीको ७५ अंक भएको छ र यो दोस्रो स्थानमा रहेको लियोनमाथि ११ अंकको अग्रता हो । लिगमा ५ चरणका खेल बाँकी छन् ।
