होमपेज / अर्थ
प्रकाश शर्मा वैशाख २८,सल्यान
सल्यानको दार्मा गाउँपालिका सल्यानले १ हजार ९ सय २७ घरपरिवारलाई सपथ मुल्यमा खादन्न विक्री वितरण गरेको छ । कोरोना भाइरस (कोभिड १९) का कारण जीविकोपार्जनबाट प्रभावित समुदायलाई लक्षित गरी गाउँपालिकाले सहकारी मार्फत सुपथ पसलहरु सञ्चालन गरेको छ ।
सुपथ मुल्य सञ्चालन गरी हालसम्म ७ सय ३२ क्विन्टल चामल लगायतको खाद्य सामान विक्री वितरण भएको दार्मा गाउँपालिका अध्यक्ष निम बहादु केसीले बताए ।
सुपथ मुल्य पसलबाट गरिब, विपन्न समुदाय प्रत्यक्ष लाभान्वित भएको उनको भनाई छ । हालसम्म ७ सय ३२ क्विन्टल चामल, २० क्विन्टल बढी नुन, दुई हजार ५० लिटर तेल सुपथ मुल्यमा विक्री भएको केसीले बताए ।
समुदायस्तरबाट सहमति भई वडाबाट आए सिफारिस भएका ३७ घरधुरी अति विपन्न परिवारलार्य गाउँपालिकाले निःशुलक राहत प्रदान गरेको समेत उनले बताए । उनले भने ‘निवेदन दिएका ४ सय ८४ घर परिवारलाई समुदायको सर्वसम्पत सहमति र वडाको सिफारिस आए संगै वितरण गर्ने व्यवस्था गरिएको छ । जसका लागि १६ टन चामल लगायतको खाद्य सामाग्री मौज्दात गरेको छ ।’
दार्मा गाउँपालिकामा ३ हजार ६ सय ३९ घरधुरी रहेको छ भने २० हजार १ सय १६२ जनसख्ंया रहेको छ ।
गाउँपालिकाले सहकारीलाई ढुवानी खर्चमा एकमुष्ठ अनुदानको व्यवस्था गरेको छ ।
.jpg)
