होमपेज / अर्थ
प्रकाश शर्मा चैत २७, सल्यान
कोरोना भाइरसको संक्रमणका कारण अहिले राहत वितरण गर्ने होडबाजी नै चलेको छ ।
विपन्नको नामका धनी भनिएकाहरुले पनि राहत पाईरहेको खबर आइरहेका छन् । यहि समयमा जिल्लाको दार्मा गाउँपालिकाले भने राहत पाउनेहरुको नाम सूचना पार्टीमा राखी दावी विरोध पश्चात मात्र वितरण गर्ने भएको छ । गाउँपालिकाले निर्धारण गरेको मापदण्डका आधारमा वडाले संकलन गरेका व्यक्तिहरुको नामावली सूचना पार्टीमा राखी दावि विरोध पछि मात्र वितरण गर्ने निर्णय गरेको छ ।
वास्तविक गरिब, विपन्न, एकल महिला राहत पाउनबाट नछुटुन र हुनेखानेले राहत नपाउन भनेर सूचना पार्टी नामावली प्रकाशन गरेपछि मात्र राहत वितरण गरिने दार्मा गाउँपालिका अध्यक्ष निम बहादुर केसी अरुणले बताए ।
मापदण्डका आधारमा छनौट भएका राहत पाउने सूचीमा परे
का व्यक्तिको नाम वडा कार्यालय तथा गाउँपालिकाको सूचना पार्टीमा र वेवसाइटमा दावी विरोधका लागी तनि दिनको समय दिएर सार्वजनिक गर्ने र ३ दिन पछि गाउँपालिकाले अन्तिम नामावली प्रकाशन गरेर वडा कार्यालय मार्फत राहत वितरण गरिने उनकको भनाई छ । उनले भने यसो गर्दा वास्तविक पिडित राहत पाउनबाट छुट्ने छैन भने नपाउने मानिस दावी विरोधबाट हटने छ ।
यसतै मापदण्ड अनुसार छनौटमा नपरेका सबै समुदायलाई राहत पुग्ने गरी सहकारी मार्फत खाद्य डिपो सञ्चालन गर्ने र सुपथ मुल्यका पसल राख्ने निर्णय गरेको छ । सुपथ पसल सञ्चालनका लागि गाउँपालिकाले ढुवानीमा अनुदान दिने अध्यक्ष केसीको भनाई छ । कालो बजारी र कृत्रिम अभावलाई रोक्न सबै खाद्यन्न पसलहरुमा अनिवार्य मूल्यसूची राख्नु पर्ने, तथा सो सूचि खरिद मुल्य, ढुवानी र ऐन नियम अनुसार व्यापारीले लिन पाउने मुनाफाको आधारमा गाउँपालिकाले निर्धाारण गरे अनुसारको हुने उनको भनाई छ ।
.jpg)
