होमपेज / अर्थ
प्रकाश शर्मा पुस २९, दार्मा
गरिब विपन्न समुदायलाई स्वारोजगार बनाउने उद्देश्यले सञ्चालन गरेको दार्मा गाउम्पालिकामा उपाध्यक्षसँग उद्यम विकास कार्यक्रम प्रभावकारी बन्दै गएको छ ।
अति गरिब विपन्न समुदायका जनतालाई उद्यमी तथा स्वारोजगार बनाउँदै जाने उद्देश्यनुसार गाउँपालिकामा संचालन गरिएका सीप तालिमबाट ग्रामीण क्षेत्रका महिलाहरु तथा पुरुष लाभान्वित भएका छन् । अहिले महिला चुलोचौको र पुरुष घरमै अरुकाममा सीमित भएका दार्माका समुदाय अहिले धमाधम सीप सिक्न व्यस्त छन् ।
दार्मा गाउपालिकाका सबै वडाबट प्रतिनिधित्व हुने गरी वडा कार्यालयको सिफारिसमा सिलाईकटाई, पलम्बर, विद्युत वाइरिङ, ड्राइभर तालिम, कम्प्युटर तालिममा महिला पुरुष व्यस्त हुँदै आइरहेका छन् ।
सिलाइकटाईमा महिला ३६ जना, पलम्बरमा २६ जना पुरुष, मसला उद्योगमा १२ जना महिला, ड्राइभर ३६ जना पुरुष, विद्युत वाइरिङमा ३० जना पुरुष, जाीयारीमा३० महिला र कम्प्युटर मर्मत ३०मा गरी जम्मा २०० जनाले तालिम लिइरहेको गाउँपालिकाले जनाएको छ ।
दार्मा गाउँपालिकाको गत आ. ब को रु ४५ लाख रकम मा ३२ लाखमा कबुल गरी नागार्जुन ईन्सेक हेल्थसाइनस् प्रालि काठमान्डौं र कुमाख कलेज अफ होटेल मेनेज मेन्ट टेक्निकल कलेज तुलसिपुर दाङ को प्राविधिक सहयोगमा तालिम संचालन गरिएको गाउँपालिकाले जनाएको छ ।
गाउँपालिकालाई आर्थिक रुपमा बलियो बनाउन आयआर्जन तथा उद्यमीशिलता तालिम र व्यवसायमा बजेटको व्यवस्था गरिएको उपाध्यक्ष टिका शर्मा वलीले बताइन ।
स्वारोजगार बनाउन सरकारले खर्च गरेको पैसाले सीप सिकेर आत्मनिर्भर बन्नु पर्नेमा उनको जोड रहेको छ । गाउँपालिकाले तालिम सिकेर व्यवसाय शुरु गर्नेलाई थप सीप सिकाईने र औजारको लागी बजेटको व्यवस्था गर्ने थप व्यवस्थाका लागी अरु निकाय समक्ष समन्वय गर्ने उनको भनाई छ ।
स्थानीय कच्चा पदार्थबाट सामाग्री उत्पादन गरेर विक्रि वितरणका लागी बजारीकरण गरि आर्थिक हिसावमा बलियो बनाई गरिब असाहायलाई उद्यमी बनाउन यो कार्यक्रले टेवा पुग्ने छ गाउँपालिका उपाध्यक्ष शर्माले बताईन् ।
पुरूषले परम्परागत रूपमा काम गरी रहेपनि बजारको माग अनुसार आधुनिकी औजारहरू निर्माण गरेर बजार प्रर्वदन गर्न सजिलो हुने गरी तालिमको आयोजना गरिएको उनको भनाई छ ।
.jpg)
