होमपेज / शिक्षा
कात्तिक २५,सल्यान
सल्यानको एक विद्यालयमा शिक्षकहरूले नै पठन पाठन बन्द गरेका छन् । जिल्लाको शारदा नगरपालिका –१३ मा रहेको लक्ष्मी माध्यमिक विद्यालय स्यानीखालका शिक्षकहरूले पठन पाठन बन्द गरेका हुन ।
प्रधानाध्यापकको विवाद देखाउँदै विना कसुर प्रधानाध्यापकको चालु आर्थिक वर्षदेखि तलब भत्ता रोकिएको भन्दै शिक्षकहरूले पठन पाठन बन्द गरेका हुन ।
शिक्षक कर्मचारी हकहित सङ्घर्ष समिति नै गठन गरी विद्यालयका शिक्षक तथा कर्मचारीले प्रधानाध्यापकको तलब भत्ता नआउँदासम्म विद्यालयमा पठन पाठन नगर्ने बताएका छन् ।
अन्य शिक्षक तथा कर्मचारीले सेवा सुविधा पाइ रहदा प्र.अ.को विवाद देखाउँदै प्र.अ.को सेवा सुविधा रोकिनु दुखद भएको शिक्षक कर्मचारी हकहित सङ्घर्ष समितिका संयोजक मेनुका कुमारी बुढाथोकीले बताइन । आफूँहरुको माग पुरा नभएसम्म विद्यालयको पठनपाठन बन्द हुने उनको भनाई छ ।
.jpg)
