ट्रेण्डिङ

होमपेज / शिक्षा

सल्यानका ५० विद्यालयले राष्ट्रपति शैक्षिक सुधार कार्यक्रमको रकम पाउने (सूचि सहित)

  सल्यान खबर डेस्क २०७८ बैशाख २ गते बिहीबार १९:५९:४३ मा प्रकाशित

वैशाख २,सल्यान 
राष्ट्रपति शैक्षिक सुधार कार्यक्रममा छनोट भएका सल्यानका ५० विद्यालयलाई शिक्षा, विज्ञान तथा प्रविधि मन्त्रालयले रकम बाँडफाँट गरेको छ।

छनोट भएका विद्यालयले स्थानीय तहमार्फत् रकम पाउने शिक्षा तथा मानव स्रोत विकास केन्द्रले जनाएको छ। 

सल्यानका सबै भन्दा बढी दार्मा गाउँपालिकाका ११ विद्यालयमा रकम परेको छ । यस्तै छत्रेश्वरी गाउँपालिकामा ८, त्रिवेणीमा ४, सिद्ध कुमाखमा ४, कुमाखमा ४, कपुरकोटमा ४ शारदा नगरपालिकाका ६, बनगाड कुपिण्डेका ५ र बागचौर नगरपालिकाका ४ विद्यालय छनौटमा परेका छन् । 

सरकारले चालू शैक्षिक सत्रमा नै योजना सम्पन्न गर्नेगरी आर्थिक वर्ष २०७७/०७८ मा नै कुल बजेटबाट विभिन्न कार्यक्रमका लागि बाडँफाँट गरेको छ।

केन्द्रका अनुसार दुई कोठे भवन बनाउन १८ लाख, चार कोठे भवन बनाउन ३६ लाख र विज्ञान प्रयोगशाला बनाउन ६ लाख ५० हजार रुपैयाँ उपलब्ध गराइएको छ।

यस्तै पुस्तकालय निर्माण गर्न ६ लाख ५० हजार र शैक्षिक सामग्री व्यवस्थापनका लागि ६ लाख ५० हजार रकम विद्यालयलाई उपलब्ध गराइने विवरणमा उल्लेख गरिएको छ। अघिल्लो आर्थिक वर्षमा पनि कार्यक्रम कार्यान्वयन नहुँदा तीन अर्ब ७३ करोड रुपैयाँ फ्रिज भएको थियो।

प्रतिक्रिया

सम्बन्धित खवर

Top