होमपेज / समाज
सरिता चलाउने फागुन ७,सल्यान
हावाहुरीले छाना उडाएको र कक्षा कोठा खाल्डाखुल्डी परेको लामो समयसम्म मर्मत हुन नसकेका सल्यानका दुई विद्यालय मर्मत भएका छन । एक महिना अघि अनलाइनमा विद्यालयको अवस्था बिजोग भन्ने समाचार प्रशारण भएपछि यी दुई विद्यालय मर्मत गरिएको हो ।
जिल्लाको शारदा नगरपालिका –१० पैयाखर्कमा रहेको जनता प्राथामिक विद्यालय र ९ मा रहेको कृष्ण आधारभुत विद्यालयलाई शारदा नगरपालिकाले मर्मत गरिदिएको छ ।
जनता प्राथामिक विद्यालयको छाना हावाहुरीले उडाएको दुइ बर्ष हुँदा पनि मर्मत हुन सकेको थिएन भने कृष्ण आधारभुत विद्यालय र खाल्डाखुल्डी परेको थियो भने विद्यार्थीहरु बस्ने बेन्च पनि थिएनन ।
अनलाइनमा समाचार प्रशारण भएपछि अहिले यी दुबै बिद्यालयमा छाना र भुई मर्मत गरिएको छ भने बस्ने बेन्चको पनि व्यवस्था गरिएको छ ।
पैयाखर्कमा रहेको जनता प्राथामिक बिद्यालयमा तीन लाखको लगानीमा छाना मर्मत गरिएको छ । कृष्ण आधारभुत बिद्यालयको कक्षाकोठाका खाल्डाखुल्डी पुरिएको छ भने विद्यार्थीहरु बस्ने बेन्च पनि व्वस्था गरिएको ति बिद्यालयहरुले जनाएका छन ।
.jpg)
