होमपेज / अपराध
साउन २४,सल्यान
लागु औषध (खैरो हिरोइन) सहित सल्यान प्रहरीले दुई जनालाई पक्राउ गरेको छ । जिल्लाको शारदा नगरपालिका ८ सिमखर्क स्थित खलंगा सल्लीबजार सडकखण्डबाट दुई जनालाई खैरो हिरोइन सहित पक्राउ गरिएको जिल्ला प्रहरी कार्यालय सल्यानले जनाएको छ ।
पक्राउ पर्नेमा सल्यान शारदा नगरपालिका २ का ३० वर्षीय विनय बुढाथोकी र शोही ठाउँका सुरज विश्वकर्मा रहेको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिनु भयो । सुरज विश्वकर्माले लगाएको ज्याकेटमा मेगाश्रीको खोलभित्र लुकाई राखेको अवस्थामा खानतलासी गर्ने क्रममा १५० मि.ग्रा खैरो हिरोइन फेला परेको उहाँले बताउनु भयो ।
लागु औषधको ओसार पसार बिक्री वितरण तथा सेवन गरि रहेको गोप्य सूचनाका आधारमा खानतलास गर्ने लागु औषध फेला परेको उहाँको भनाई छ । दुईलाई सल्यान जिल्ला अदालतबाट चार दिनको म्याद थप गरी हिरासतमा राखी अनुसन्धान गरि रहेको प्रहरीको भनाई छ ।
