होमपेज / समाज
इन्द्र बुढाथोकी ९जेठ २०७७,सल्यान
बिहिबार भारतबाट आएका चार सय दश जनाको ¥यापिड डाइग्नोष्टिक टेष्ट) आरडिटी परीक्षण गरिएको छ ।
परीक्षण गरिएको सबैको रिर्पोट नेगेटिभ आएको बनगाड कुपिण्डे नगरपालिकाले जनाएको छ ।
प्रभाकर माध्यमिक विद्यालयको क्वारेनटाइनमा बसी रहेका २ सय ५३ जना र बनगाड क्याम्पसको क्वारेनटाइनमा बसी रहेका १ सय ४७ जनाको आरडिटी परिक्षण गरिएको नगरपालिका स्वास्थ्य संयोजक बासुदेव पोख्रेलले बताए । स्वास्थ्य कार्यालय र नगरपालिकाको समन्वयमा गरिएको परीक्षणमा सबैको रिर्पोट नेगेटिभ आएको उनको भनाई छ ।
आरडिटी परिक्षण गरिएका सबैलाई १४ दिनसम्म क्वारेनटाइनमा राखिने र नियमित स्वास्थ्य जाँच गरिने पोख्रेलको भनाई छ । परीक्षण गरिएको सबैको स्वास्थ्य अवस्था सामान्य रहेको छ । १४ दिनपछि सबैको पीसिआर गरिने उनले बताए ।
भारतमा रोजगारीका लागि सल्यानबाट झन्डै १८ हजार बढी गएको तथ्यांक रहेको छ । १८ हजार मध्ये हालसम्म १ हजारको बिचमा आएको र अझै ७ देखि ८ हजारसम्म आउने अनुमान गरिएको जिल्ला प्रशासन कार्यालय सल्यानले जनाएको छ ।
किटको अभाव
सल्यानमा आरडिटी किटको अभाव भएको छ । किटको अभाव हुँदा भारतबाट आएका १० जनाको स्वास्थ्य परीक्षण रोकिएको छ ।
किटको अभाव भएपछि भोली जाँच गर्ने तयारी गरिएको पोख्रेललको भनाई छ । प्रदेश सरकारलाई पीसिआर र आरडिटी किट उपलब्ध गराउन आग्रह गरिएको उनको भनाई छ ।
.jpg)
