होमपेज / समाज
सरिता चलाउने सल्यान, चैत १४ गते ।
सल्यानमा दैनिक उपभोग्य वस्तुको अभाव नहुने भएको छ । यहाँका वजारमा एक महिनालाई आवश्यक पर्ने खाद्यन्न वजारमा मौजाद रहेको वताइएको छ । सल्यान उद्योग वाणिज्य संघका अध्यक्ष विरवहादुर चलाउनेले वजारमा दैनिक उपभोग्य वस्तुको अभाव नहुने बताए । उनका अनुसार वजारमा नौ सय क्विन्टल चामल, ५० क्विन्टल दाल,५५ क्विन्टल, मैदा (पिठो) ६५ क्विन्टल चिनी र ६ सय गत्था तेल मौजाद रहेको छ ।
लकडाउन घोषणा हुन पुर्व नै धेरैले दैनिक उपभोग्य वस्तु खरिद गरेकाले समस्या नहुने ब्यवसायीको भनाई छ ।
उपभोक्ता अधिकार हित संरक्षण मञ्चका केन्द्रीय सदस्य तथा मानवअधिकारकर्मी रामचन्द्र रेग्मी वजारमा समान भएपनि लुकाउने प्रवृति वढेको वताए । उनका अनुसार उपभोग्य वस्तु अभाव नभएपनि लुकाउने गरेको जन गुनासो रहेको छ ।
प्रमुख जिल्ला अधिकारी शिवराम पोखरेलले खाद्यान्न आपुर्तिलाई सहज वनाउनका लागि सहजताका लागि ईमेल मार्फत अनुमति ब्यवस्था गरिएको वताए । जिल्लामा आवश्यक पर्ने दैनिक उपभोग्य वस्तु अभाव हुन नदिन उद्योग वाणिज्य संघ संग समन्वय गरिएको छ उनले भने ।
होटेल ब्यवसायी संघ सल्यानका अध्यक्ष ध्रुव भण्डारीले खाद्यान्नको अभाव नभएपनि वजारमा तरकारीको अभाव हुन थालेको वताए । दैनिक वजारमा आउनु पर्ने तरकारी नआएको उनको भनाई छ ।
जिल्लाका वजारमा उपभोक्तालाई समान खरिदको लागि सहज ब्यवस्था गरिएको छ । वजारमा छुट्टाछुट्टै ब्यक्ति पुगेर समान किन मेलको ब्यवस्था गरिएको जिल्ला प्रशासन कार्यालय सल्यानले जनाएको छ ।
.jpg)
