होमपेज / समाज
सरिता चलाउने सल्यान
जिल्ला विपद ब्यवस्थापन समिति सल्यानको वैठक सम्पन्न भएको छ । वैठकले नोवेल कोरोना भाईरसवाट वच्न समुदाय र विद्यालय स्तरमा सचेतनामूलक कार्यक्रम सञ्चालन गरिने भएको छ । जिल्ला विपद ब्यवस्थापन समितिको वैठकले सवै स्वास्थ्य संस्थाका कर्मचारीलाई अत्यावशेक वाहेक विदा नदिने निणर्य गरेको छ । प्रमुख जिल्ला अधिकारी शिवराम पोखरेलको अध्यक्षतामा वसेको वैठकले स्थानीय तहलाई सचेतनामूलक कार्यक्रम सञ्चालन गर्न आग्रह गर्ने निणर्य गरेका हो ।
यस्तै कपुरकोटमा स्थापना भएको हेल्थ डेस्कमा आवश्यक पर्ने स्वास्थ्यकर्मी र आवश्यक समाग्रीका लागि ब्यवस्था गर्न कर्णाली प्रदेश समाजिक विकास मन्त्रालयलाई आग्रह गर्ने निणर्य गरेको छ ।
सल्यान अस्पतालमा आईसुलेशन वार्ड, क्वारेन्टाई क्षेत्र तोक्ने निणर्य गरिएको छ । यस्तै चैत ५ गते भित्र सवै विद्यालयले परीक्षा सञ्चालन गर्नु पर्ने पनि वैठकले निणर्य गरेको छ । वैठकमा सल्यानका स्थानीय तहका जनप्रतीनिधि, जिल्ला स्थित सरकारीका कार्यालयका प्रमुख एवं प्रतीनिधिलगायतको उपस्थिति रहेको थियो ।
.jpg)
