होमपेज / समाज
सरिता चलाउने फागुन ७, सल्यान
प्रजातन्त्र दिवसको अबसरमा सल्यानमा ३ जना कैदीको कैद मिनाह गरिएको छ । कारागारमा ५० प्रतिशत कैद भुक्तान गरेका कैदिलाई दिवसको अबसर पारेर मिनाह गरिएको हो ।
कारागार रहदा अनुशासन,असल आचरण तथा व्यवहार राम्रो गरेका ३ जना कैदीहरुलाई कैद सजाय माफि भएको जिल्ला कारागार सल्यानले जनाएको छ ।
कर्तब्य ज्यानका आरोपी १,सवारी ज्यानका आरोपी १ जना र ज्यानमार्ने उद्योगका १ जना गरी तिनजना कैदीको कैद मिनाहा गरिएको कारागारका जेलर बल बहादुर केसीले बताए ।
कैद मुक्तहुनेहरुमा कर्तब्य ज्यानका बागचौर नगरपालीका वडा नम्बर ४ का गणेश सुनार, शारदा नगरपालीका ६ का हस्त बहादुर बिष्ट र गौमती रोका रहेका छन्। उनिहरुको असल चालचलन भएका, तोकिएको शर्त पुरा गरेका, कम्तीमा ५० प्रतिशत भन्दा माथी कैद भुक्तान गरेका कैदीलाई कारागार मुक्तगरिएको केसीले बताए ।
संबिधानको धारा २ सय ७६ अनुसार बिभिन्न कारणले कैद भुक्तान गरिरहेका कैदिहरुको चालचलनका आधारमा बाँकी कैद माफिदिने व्यवस्था गरिएको छ ।
सरकारले हरेक बर्ष बडा दशैँ, प्रजातन्त्र दिवस, गणतन्त्र दिवस, र सबिंधान दिवस पारी कैदीहरुलाई कैद मुक्त गर्ने गरेको छ ।
.jpg)
