होमपेज / समाज
सरिता चलाउने साउन १३, सल्यान
सल्यानमा मास्क नलगाई बाहिर हिड्ने एक हजार बढी नागरिक सल्यान प्रहरीले कारवाही गरेको छ ।
असार २७ गतेदेखि साउन १३ गतेसम्म एक हजार ३९ जना कारवाहीमा परेका छन् । जसबाट एक लाख तीन हजार नौ सय रुपैया राजस्व संकलन भएको प्रहरीले जनाएको छ ।
जिल्ला प्रहरी कार्यालय सल्यानका अनुसार मंगलबार मात्रै १८० जना कारवाहीमा परेका छन् । आज श्रीनगर बजारमा ३०, कपुरकोट बजारमा १७, खलंगा बजारमा १५, सिमखोली बजार ५०, थारमारे बजार ४, बनगार बजार १४ र देवस्थल बजारमा ५० जना कारवाहीमा परेका छन् ।
मास्क बिना हिँडडुल गर्नेमाथि संक्रामक रोग नियन्त्रण ऐन अनुसार कारबाही गरिएको जिल्ला प्रहरी कार्यालय सल्यानका प्रहरी प्रमुख ढकेन्द्र खतिवडाले बताए । मास्क नलगाई बजार आउनेलाई तत्काल सचेत बनाउँछौं अटेर गरे कारवाही समेत गछौं उनले भने ।’
.jpg)
