होमपेज / राजनीति
पुष १८,सल्यान
नेकपा (एमाले) का कर्णाली प्रदेश अध्यक्ष गुलाब जंङ शाह फागुन २१ गते हुने प्रतिनिधि सभा निर्वाचनमा सल्यानबाट एकल सिफारिस हुनु भएको छ । शुक्रबार सल्यान खलंगामा सम्पन्न एमालेको आठौं पूर्ण बैठकले शाहलाई प्रतिनिधि सभा निर्वाचनका लागि एकल सिफारिस गरेको हो ।
शाहको योग्यता, अनुभव र कर्णाली प्रदेशमा पार्टीको नेतृत्व तथा देशको राजनीतिक क्षेत्रमा खेलेको प्रभावकारी भूमिकालाई ध्यानमा राखेर जिल्ला कमिटीको पूर्ण बैठकले सर्वसम्मत रुपमा एकल सिफारिस गरेको एमाले सल्यानका अध्यक्ष भिम बहादुर सेनले बताउनु भयो ।
शाह २०७९ मा सल्यानको प्रदेश सभा (ख)मा पनि उम्मेदर हुनु भएको थियो । उहाँ कर्णाली प्रदेशका वर्तमान उद्योग, पर्यटन वन तथा वातावरण मन्त्री सुरेश अधिकारीसँग ३ हजार ७९० मतान्तरले पराजित हुनु भएको थियो । शाहले १६ हजार ६१८ मत प्राप्त गर्नु भएको थियो ।
फागुन २१ मा प्रतिनिधि सभामा नेपाली काँग्रेस र नेपाली कम्युनिस्ट पार्टीले ५/५ जनाको नाम सिफारिस गरि सकेका छन् ।
.jpg)
