होमपेज / राजनीति
साउन २१,सल्यान
सल्यानमा पहिलो पटक भूमिहीन दलित, सुकुम्वासी र अव्यवस्थित बसोबासीहरुको लालपुर्जा वितरणका लागि जग्गा नाप नक्सा कार्य सुरु भएको छ । जिल्लाको त्रिवेणी गाउँपालिका ३ को तल्लो कारेबासमा नाप नक्साको कार्य सुरु भएको हो ।
गाउँपालिका भित्र भूमिहीन दलित १७, सुकुम्वासी १२ र अव्यवस्थित बसोबासहरु १ हजार ६८ जना गरी १ हजार ९७ जना रहेको राष्ट्रिय भूमि आयोग त्रिवेणी गाउँपालिका सेवा केन्द्र प्रमुख सरोज बोहराले जानकारी दिनु भयो ।
भूमिहीनहरूलाई छिट्टै लालपुर्जा वितरण गरेर जग्गाको मालिक बनाउने गाउँपालिका अध्यक्ष खिम बहादुर रावतले बताउनु भयो । अव्यवस्थित बसोबास गरिरहेकालाई व्यवस्थित गर्नका लागि नाप नक्साको कार्यमा सहयोग गरी वास्तविक भूमिहीनहरूलाई जग्गा दिलाउन सहयोग गर्न अनुरोध समेत गर्नु भयो ।
भूमि आयोग सल्यानका अध्यक्ष वीर बहादुर सेजवालले भूमिहीन दलित र सुकुम्वासीलाई प्राथमिकतामा राखेर आयोगले काम कारबाही अघि बढाई रहेको बताउनु भयो ।





.jpg)