होमपेज / राजनीति
असोज २६,सल्यान
सत्ता गठबन्धनका उम्मेदवार प्रकाश ज्वालाका विरुद्ध स्वतन्त्र उम्मेदवारी दिनु भएका नेपाली कांग्रेसका नेता तथा पूर्व शिक्षा राज्य मन्त्री राजेन्द्र बहादुर शाहको उम्मेदवारी कायमै रहेको छ । उम्मेदवारको मनोनयन फिर्ता लिने समयसम्म मनोनयन फिर्ता नलिएपछि शाहको उम्मेदवारी कायमै भएको हो ।
एक मात्र प्रतिनिधि सभा रहेको सल्यानमा गठबन्धनबाट नेकपा (एकीकृत समाजवादी) को भाग परेको थियो । जिल्लामा नेपाली कांग्रेस ठुलो पार्टी भएपनि सल्यान कांग्रेसलाई अन्याय भएको भन्दै शाहले ज्वाला विरुद्ध स्वतन्त्र उम्मेदवारी दिनु भएको हो । २०५४ यता नेपाली कांग्रेसले संसदीय नेतृत्व लिन सकेको छैन ।
प्रदेश सभा सदस्य (क) मा गठबन्धनका भीम प्रकाश शर्मा विरुद्ध स्वतन्त्र उम्मेदवारी दिनु भएका नेपाली कांग्रेसका एकराज डाँगी र डिल्ली बहादुर बुढाथोकीले भने उम्मेदवारी फिर्ता लिनु भएको छ । गठबन्धनबाट प्रदेश सभा (क) नेकपा माओवादी केन्द्रलाई भाग परेको छ । माओवादीबाट भीम प्रकाश शर्माको उम्मेदवारी परेको छ ।
.jpg)
