होमपेज / राजनीति
चैत २१,सल्यान
सल्यानको त्रिवेणी गाउँपालिकाले सङ्घीयताको ५ वर्ष नामक पुस्तक विमोचन गरेको छ । गाउँपालिकाले हालसम्मको कार्य सम्पादनको प्रगति विवरण समावेश गरेको पुस्तक विमोचन गरेको हो ।
सङ्घीय लोकतान्त्रिक गणतन्त्रात्मक शासन व्यवस्थाको पहिलो स्थानीय सरकार अन्तर्गतको त्रिवेणी गाउँपालिकाले हालसम्म गरेको कार्य सम्पादनको प्रगति उक्त पुस्तकमा समावेश गरिएको छ । सामाजिक, पूर्वाधार, आर्थिक, सांस्कृतिक, पर्यटन, सुशासन लगायत विषयमा पुस्तकमा समावेश गरिएको गाउँपालिका अध्यक्ष मान बहादुर डाँगीले बताए ।
सङ्घीय लोकतान्त्रिक गणतान्त्रिक शासन व्यवस्थाको पहिलो स्थानीय सरकारले भएकाले शून्य अवस्थाबाट काम गरिएको उनको भनाई छ । गाउँपालिकाले शिक्षा, स्वास्थ्य, कृषि, खानेपानी, पर्यटन, सरसफाइ, यातायात तथा पूर्वाधारको क्षेत्रमा उल्लेख्य काम गरेको दाबी गरे ।
सेवाको वरिपरि जनता होइन, जनताको वरिपरि सेवाको अवधारण अनुसार गाउँपालिकाले कामलाई अघि बढाएको बताउँदै सामाजिक विकासमा सबैभन्दा बढी प्राथमिकता दिएको गाउँपालिकाले जनाएको छ ।
.jpg)
