होमपेज / राजनीति
फागुन ११,सल्यान
एमसीसी सम्झौताका विरुद्ध सल्यानका तीन विद्यार्थी सङ्गठनले आन्दोलनका कार्यक्रम घोषणा गरेका छन् । बुधवार संयुक्त विद्यार्थी सङ्गठनले विज्ञप्ति जारी गर्दै आन्दोलनका कार्यक्रम सार्वजनिक गरेका हुन ।
बुधवार तीन संगठनको बैठ्कले एमसीसी सम्झौताका विरुद्ध सयुक्त आन्दोलन गर्ने निर्णय गरेको छ । माओवादी निकट अखिल क्रान्तिकारी, नेकपा निकट अखिल क्रान्तिकारी र एकीकृत समाजवादी निकट अनेरास्ववियुले संयुक्त रूपमा ११ गते साँझ मसाल जुलुस प्रदर्शन र फागुन १२ गते विरोध प्रदर्शन तथा जिल्ला प्रशासन कार्यालय घेराउका कार्यक्रम गरेको अखिल क्रान्तिकारीका जिल्ला अध्यक्ष राजेन्द्र खड्काले जानकारी दिए ।
राष्ट्रघाती एमसीसी सम्झौता खारेज नभएसम्म आन्दोलनका कार्यक्रम जारी रहने उनको भनाई छ । राष्ट्रिय स्वाधीनता माथि प्रहार हुने यस प्रकारका सम्झौता कुनै पनि हालतमा स्वीकार गर्न नसकिने उनको भनाई छ । एमसीसी सम्झौताका विरुद्ध देशभर प्रदर्शनहरू भइरहेका छन् ।
.jpg)
