ट्रेण्डिङ

होमपेज / राजनीति

कर्णालीमा एमालेका तीन मन्त्रीले दिए सामूहिक राजीनामा

  सल्यान खबर डेस्क २०७७ चैत्र २४ गते मंगलबार १४:०७:३४ मा प्रकाशित

सुर्खेत : कर्णाली प्रदेशका तीन मन्त्रीले सामूहिक राजीनामा दिएका छन्। नेकपा एमालेले माओवादी केन्द्रलाई दिएको समर्थन फिर्ता लिएपछि सरकारमा सहभागी एमालेका तीन मन्त्रीले सामूहिक राजीनामा दिएका हुन्।

एमालेबाट सरकारमा सहभागी सामाजिक विकासमन्त्री दल रावल, उद्योग, पर्यटन, वन तथा वातावरणमन्त्री नन्दसिंह बुढा र आर्थिक मामिला तथा योजनामन्त्री प्रकाश ज्वालाले राजीनामा दिएका हुन्। राजीनामा दिनुअघि मन्त्रिपरिषद् बैठक बसेको थियो। तीनजना मन्त्रीले राजीनामा दिएर नेकपा एमाले संसदीय दलको बैठकमा सहभागी भएका छन्।

नेकपा विभाजनपछि एमालेले यहीँ चैत ५ गते माओवादी केन्दलाई दिएको समर्थन फिर्ता लिने र सरकारमा सहभागी मन्त्रीलाई फिर्ता बोलाउने निर्णय गरेको थियो। कर्णाली प्रदेश सभामा ४० जना सांसदमध्ये माओवादी केन्द्रले दैलेखबाट निर्वाचित सांसद धर्मराज रेग्मीलाई कारवाही गरेको पत्र संसदलाई बुझाएको छ। अब प्रदेश सभामा ३९ जना सांसद छन्। यीमध्ये नेकपा एमालेका २०, माओवादी केन्द्रका १२, नेपाली कांग्रेसका ६ र राप्रपाका एकजना सांसद छन्।

प्रतिक्रिया

सम्बन्धित खवर

Top