होमपेज / समाज
२०७७ भदौ १३ गते
दैलेखको ठाटीकाँध गाउँपालिकामा अत्याधिक रक्तस्रावका कारण एक सुत्केरीको मृत्यु भएको छ ।
गाउँपालिकास्थित प्राथमिक स्वास्थ्य केन्द्रमा भदौ १२ गते सुत्केरी भएकी ठाटीकाँध–१ सिराडीकी २३ वर्षीया पार्वती शाहीको रक्तस्राव नरोकिएपछि प्रदेश अस्पताल सुर्खेत लैजाँदै गर्दा बाटोमै मृत्यु भएको हो ।
सुत्केरी शाहीले समयमै उपचार नपाउँदा मृत्यु भएको उहाँका जेठाजु टेकबहादुर शाहीले बताउनुभयो ।
दरबन्दीका डाक्टर स्वास्थ्य केन्द्रमा नभएकाले उपचारको अभावमा सुत्केरी शाहीको अत्याधिक रक्तस्रावका कारण मृत्यु भएको स्थानीयले बताएका छन् ।
शाहीको अत्याधिक रक्तस्रावका कारण मृत्यु भएपछि गाउँपालिकास्थित स्वास्थ्य केन्द्रमा तालाबन्दी गरिएको छ । सुत्केरीको मृत्युपछि स्थानीयले स्वास्थ्य केन्द्रमा तालाबन्दी गरेका हुन् ।
स्वास्थ्य केन्द्रका निमित्त इन्चार्ज लक्ष्मी रावतले आवश्यक सामग्री र डाक्टर नहुँदा उपचारमा कठिनाइ भएकाले सुत्केरी बचाउन नसकिएको बताउनुभयो ।
मृतक शाहीको शव स्वास्थ्य केन्द्रमा राखिएको छ भने बच्चाको अवस्था सामान्य रहेको छ ।
.jpg)
