होमपेज / समाज
साउन ३०, सल्यान
सल्यानका विभिन्न ठाउँमा बाँदरले मकैबालीमा क्षति पुर्याएपछि किसान चिन्तित भएका छन् ।
जिल्ला शारदा नगरपालिका वडा न १२ को कागखोला, डाँग्री, तिमिले मुलडाँडामा लगाइएको मकैमा बाँदरले क्षति पुर्याएको किसानहरुले बताएका छन् ।
जंगली जनावरले क्षति गर्न थालेपछि मकैको वीउँपनि नउठ्ने होकी भन्ने चिन्ता बढेको किसान भिम बहादुर चलाउनेले बताए । उनले भने किसानहरुले बाँदरले मकै खान थालेपछि बचेका हरियो मकै पोलेर खानलाई मात्र भएपनि भाँच्न थालेका छौं ।
विगतका वर्षहरुको तुलनामा यो वर्ष बाँदरले बढी क्षति गरेको उनको भनाई छ । मानिस र कुकुर हेरालो बसे पनि बाँदरले छक्काएर मकै खाने गरेको किसानहरुको गुनासो छ ।
मानिस र कुकुर हेरालो बस्दा तथा विभिन्न बुख्याचा बनाउँदा पनि जंगली जनावरले सताउने नछाडेको चलाउनेको भनाई छ । पाक्दै गरेको मकै बाली बाँदरले नष्ट गर्न थालेपछि खाद्यन्न संकट पर्ने चिन्तामा किसाहरु परेका छन् ।
.jpg)
