होमपेज / समाज
असार ३१, सल्यान
फौजी किराले मकै सखाप पारेपछि सल्यानका किसानहरु चिन्तित भएका छन् । मुख्य खाद्यबाली मकै फौजी किराले सखाप पारे पछि किसान चिन्तित भएका छन् ।
जिल्लाको बनगाड कुपिण्डे नगरपालिका १ का अधिकांश स्थानमा अमेरिकी फौजी किराले मकै सखाप पारेको किसान विरवल पोख्रेलले बताए । नाम्राका मात्रै ६० घरधुरी बढीले लगाएको मकै किराले सखाप पारेको उनको भनाई छ ।
किराले मकैको पात, डाँठ तथा गुवो खाइदिएको उनको भनाई छ । उनले भने यस अघि लगाएको प्याज खेती पनि रोग लागेर लगानी उठाउन सकिएन अहिले किरा लागेर सबै मकै काटिदियो ।
मुख्य खाद्यन्न बालीका रुपमा लगाएको मकैमा रातारात फौजि किराको प्रकोप बढेपछि भोकमारी लाग्ने चिन्ताले सताउन थालेको अर्का किसान आइते तिरुवाले बताए । उनले भने सिँचाईको अभाव भएपछि खेतमा मकै लगाइयो त्यहि मकै पनि किराले काटि दियो ।
किराको प्रकोपले एकपपछि अर्को गर्दै बाली सखाप पार्न थालेपछि किसानहरुलाई खाद्यन्न अभावको चिन्ताले सताएको छ । किटनाशक औषधि हाल्दा समेत किरा नियन्त्रणमा नआएको तिरुवाको भनाई छ ।
.jpg)
