होमपेज / अर्थ
जेठ ३२,सल्यान
सल्यान वनगाड कुपिण्डे नगरपालिकाले पशु पालक कृषकलाई बाख्रा तथा बोका वितरण गरेको छ । नगरपालिकालाई मासुमा आत्मनिर्भर बनाउने उद्देश्यले अघिल्ला वर्षहरूदेखि कृषकलाई अनुदानमा बाख्रा वितरण गर्दै आएको छ ।
पशु सेवा शाखा देवस्थलको वार्षिक कार्यक्रम २०७९/ ०८० अनुसार १५ लाखमा बाख्रा पकेट विकास कार्यक्रम अन्तर्गत महिला बाख्रा पालन कृषक समूह वनगाड कुपिण्डे नगरपालिका ८ कौछेमा बाख्रा बोका हस्तान्तरण गरिएको पशु सेवा शाखा प्रमुख विना राम बुढाथोकीले जानकारी दिनु भयो । । १५ लाख नगर सरकारको अनुदानमा ५० वटा बाख्रा खरी जातको, ५ वटा बोयर बोका, ९ वटा खोर वितरण गरिएको छ । समूहका २५ जना सदस्यहरूलाई बाख्रा बोका वितरण गरिएको छ भने कृषकको ५० प्रतिशत लागत साझेदारी समेत रहेको शाखा प्रमुख बुढाथोकीले बताउनु भएको छ
बाख्रा बोका वितरण कार्यक्रममा बोल्दै वनगाड कुपिण्डे नगरपालिका नगर प्रमुख कर्ण बहादुर बुढाथोकीले सरकारले कृषकहरूका लागि सहज बाटो देखाउने बताउनु भएको छ । सरकारले देखाएको बाटोमा कसरी लाग्ने अथवा प्रयोग गरेर लाभ लिने त्यो कृषकहरूको जिम्मेवारी भएको समेत बताउनु भएको छ । मेहनत गरेमा दैनिक चलाउन समेत सहज हुने र त्यसको लागि सधैँ सरकार मुख ताक्नु भन्दा सरकारले देखाएको बाटोमा लागेर अगाडि बढ्न समेत अनुरोध गर्नु भएको छ । यो सुरुवात भएकोले मेहनत गरेर लाग्नुस् अनि सफल हुनुस् आफ्नो नगरपालिका बाट अहिले २ हप्तामा एक ट्रक खसी बाहिर जाने र त्यसलाई विस्तारै दैनिक एक ट्रक जाने गरेर सरकार लागेको र त्यसको लागि कृषकले मेहनत गर्नु पर्ने समेत नगर प्रमुख बुढाथोकीले बताउनु भएको छ ।
जुन सुकै कामहरू गर्दा पनि व्यवसाय तरिकाले लागेमा सफल हुने भएकोले नगरपालिकाले बाख्रा, तरकारी, टिमुर,सुन्तला, भैँसी पालन लगायतको पकेट क्षेत्र समेत घोषण गरेर कृषकहरूलाई सहयोग गर्ने समेत बताउनु भएको छ । कृषकहरूलाई अनुदान दिएर व्यवसायीमा सहयोग गर्दै आय आर्जनमा वृद्धि गरिब लाई हटाउँदै शिक्षा,स्वास्थ्यमा सुधार ल्याएर जनतालाई कुलत नलाग्न समेत बताउनु भएको छ । नगरपालिकाले सबै जनतालाई सुखी बनाउन चाहेको र त्यसको लागि जनताको सेवामा रातदिन नभनेर सेवा गर्न लाग्ने त्यसको जिम्मेवारी हजुरहरूले दिएको पूरा गर्ने समेत बताउनु भएको छ ।आफू जनताको सेवक भएको समेत बताउनु भएको छ ।
.jpg)
