होमपेज / समाज
चैत ९,सल्यान
सुख्खा पहिरोका कारण अवरुद्ध राप्ती लोकमार्गको सल्यान – दाङ सडकखण्ड बुधबार साँझदेखि खुलेको छ । अवरुद्ध बनेको २३ घण्टा भन्दा बढी समयपछि सडक सूचारु भएको जिल्ला प्रहरी कार्यालय सल्यानले जनाएको छ ।
गएराती करिब साढे सात बजेतिर सल्यानको कपुरकोट गाउँपालिका – ३ स्थित चोरखोला नजिकै सडक निर्माण गर्ने क्रममा सुख्खा पहिरो झर्दा सडक अवरुद्ध बनेको थियो । दाङबाट ठुलो स्काभेटर ल्याएर पहिरो हटाए पछि अवरुद्ध सडक सञ्चालनमा आएको जिल्ला प्रहरी कार्यालय सल्यानका सूचना अधिकारी तथा प्रहरी निरीक्षक अर्जुन पौडेलले जानकारी दिए ।
पहिरोले सडक खन्ने क्रममा स्काभेटर समेत पुरेको थियो । पहिरो गाउँ स्थान निकै जोखिम पूर्ण ठाउँमा भएकाले पहिरो हटाउन समय लागेको पौडेलको भनाई छ ।
गएराती देखि सडक अवरुद्ध हुँखा सयौं सवारी साधन तथा यात्रु अलपत्र परेका थिए । साना गाडीका लागि वैकल्पिक बाटो भए पनि ठुला गाडीका लागि भने वैकल्पिक सडक हुँदा धेरै सवारी साधन जाममा परेका थिए ।
.jpg)
