होमपेज / समाज
चैत ९,सल्यान
सडक निर्माणको क्रममा सुख्खा पहिरो आउँदा राप्ती लोकमार्ग अन्तर्गत सल्यान – दाङ सडक अवरुद्ध भएको छ । मंगलबार राती सल्यानको कपुरकोट गाउँपालिका – ३ चोरखोला नजिकै सडक निर्माण गर्ने क्रमममा झरेको पहिरोले स्काभेटर पुरिएपछि राजमार्ग अवरुद्ध भएको जिल्ला प्रहरी कार्यालय सल्यानले जनाएको छ ।
सडक निर्माण गर्दै गर्दा सुख्खा पहिरो आउँदा स्काभेटर पुरिएको सडक सूचारु हुन दिन भर लाग्ने जिल्ला प्रहरी कार्यालय सल्यानका प्रहरी प्रमुख डिएसपि सुमित खड्काले बताए । पहिरोबाट स्काभेटर निकाल्न दाङबाट अर्को स्काभेटर आउँदै गरेको र पुरिएको स्काभेटर निकाले पछि मात्र पहिरो हटाउने काम सुरु हुने उनको भनाई छ ।
जोखिमयुक्त ठाउँ भएकाले स्काभेटर निकाल्न र पहिरो हटाउन समस्या भएको प्रहरीले जनाएको छ । गएराती देखि सडक अवरुद्ध हुँदा लामो तथा छोटो दुरीका सवारी साधन बाटोमा रोकिएका छन् ।
फोटो शंकर केसीको फेसबुकबाट
.jpg)
