होमपेज / समाज
सल्यान, फागुन १२ गते ।
सल्यान जिल्लामा सञ्चालित सामुदायिक रेडियो शारदा एफएम ९९ थोप्लो २ मेगाहर्ज आज वाट चौध वर्षमा प्रवेश गरेको छ ।
चौधौवार्षिकोत्सवको अवसरमा रेडियो शारदा एफएम सञ्चालक समितिका अध्यक्ष एवम् कार्यकारी निर्देशक प्रतीक इच्छुक शर्माले एक प्रेस विज्ञप्ति जारी गर्दे रेडियोका श्रोता, कर्मचारी, पत्रकार,स्थानीय संवाददाता , विज्ञापनदाता तथा सबै पेसा,वर्ग क्षेत्रका शुभेच्छुक सवैमा शुभकामना व्यक्त व्यक्त गर्नु भएको छ ।
परिवर्तन र शान्तिका लागि रेडियो नारा लिएर सञ्चालनमा रहेको शारदा एफएमले वि.सं.२०६५ फागुन १२ गतेका दिन स्थापना भएपछि जनताका हरेक दुख सुखमा सहकार्य गरिरहेको छ । दैनिक बिहान ५ बजे देखि राती १० वर्ष सम्म प्रशारण रहेको शारदा एफएमले समाचारमूलक कार्यक्रम, शिक्षा र मनोरञ्जनका विभिन्न कार्यक्रम सञ्चालन गर्दे आएको छ ।
जारी प्रेस विज्ञप्तिमा भनिएको छ– हाम्रो जस्तो आर्थिक, भौगोलिक एव सामाजिक अवस्था भएको देशमा रेडियो नै प्रभावकारी सञ्चार माध्याम हो रेडियो हो । आम नागरिक पहुँच सूचना तथा शिक्षाका अन्य सरल, सुलभ माध्यम नभएको हुदा रेडियो जनताले सिक्ने र सिकाउने माध्याम पनि हो । रेडियोमा जनताका रुचि र आवश्यकता विषयवस्तुलाई हामीले प्राथमिकता राखेर काम गर्दे आएका छौ ।
नागरिकलाई हरेक कुरालाई विश्लेषण गर्न सक्ने क्षमता विकास गराउने , शिक्षालाई व्यवहारिक बनाउन परम्परागत ज्ञानका राम्रा पक्षहरूलाई प्रवर्द्धन गर्न तथा नयाँ शिक्षा र प्रविधिलाई नागरिकहरुमा विस्तार गर्न हालका अवस्थामा रेडियो जस्तो उत्तम विकल्प र माध्याम हाल अरू छैन । रेडियो शारदा जनताको बोली बोल्ने एउटा माध्याम हो । हामीले सल्यानको विकासका लागि सबै सँग सहकार्य, खबरदारी र जनताका आवश्यकता पक्षमा आफूलाई उभ्याएका छौ ।
स्थानीय विषयवस्तु हाम्रा प्राथमिकता विषय हुन । उपयोगी र रुचिकर विषयवस्तु उत्पादन र प्रशारण प्रयत्नशील रहने छौ जारी प्रेस विज्ञप्तिमा भनिएको छ ।
रेडियोबाट प्रस्तुत हुने सूचना, विचार, बहस लगायतका सामग्री सन्तुलित, पेसागत मर्यादा भित्र रहेर उत्पादन प्रशारण गरेको र आगामी दिनमा पनि ‘समाचार लगायतका सामग्री’ उत्पादनमा पूर्ण रूपमा स्वतन्त्र र प्रतिबद्ध रहने अध्यक्ष प्रतीक इच्छुक शर्माले जारी गरेको विज्ञप्तिमा उल्लेख गरिएको छ ।
यसैबिच आजै सामुदायिक रेडियोको उपयोगिता विषयक अन्तरक्रिया तथा शुभकामना आदान प्रदान आयोजना गरी स्थापना दिवस मनाइने भएको छ । भर्चुअल माध्यामबाट आयोजना गरिएको कार्यक्रममा सङ्घ,प्रदेश, स्थानीय तहका जनप्रतिनिधि र सरोकारवालाको सहभागिता रहने छ ।
.jpg)
