होमपेज / समाज
सरिता चलाउने मङ्सिर ३,सल्यान
सल्यानको कुपिण्डे तालमा पौडी खेल्ने क्रममा डुबेर एक बालकको मृत्यु भएको छ । जिल्लाको बनगाड कुपिण्डे नगरपालिका – ८ मा रहेको तालमा डुबेर एक बालकको मृत्यु भएको हो ।
मृत्यु हुनेमा बनगाड कुपिण्डे नगरपालिका – ८ आगरनेटाका ८ वर्षीय राजेश सुनारको तालमा पौडी खेल्ने क्रममा डुबेर मृत्यु भएको जिल्ला प्रहरी कार्यालय सल्यानले जनाएको छ ।
शुक्रबार दिउँसो साथीहरूसँग पौडी खेल्न जाँदा तालमा डुबेको र मृत अवस्थामा बाहिर निकालेको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए ।
पूर्णिमाको अवसरमा आज तालमा मेला लागेको र उक्त मेला हेर्न उनी आएका थिए । घटनाको थप अनुसन्धान अघि बढाइएको सूचना अधिकारी पौडेलले बताए ।
.jpg)
