होमपेज / समाज
असोज १९,सल्यान
जिल्लाको बागचौर नगरपालिका – २ गैरीकी ५४ वर्षिया रामकली खत्रीको मृत्यु जेसिबीको ठक्करबाट भएको प्रारम्भिक अनुसन्धानबाट देखिएको छ ।
शनिवार साँझ साढे ५ बजेतिर घरदेखि माइती घर जान भनेर हिडेकी खत्रीको शव सोही दिनको साढे ७ बजेतिर बाटोमा फेला परेको थियो ।
सल्यान प्रहरी प्रमुख डिएसपी गोविन्द थापाले प्रारम्भिक अनुसन्धानबाट खत्रीको मृत्यु जेसिबको ठम्करकै कारण भएको देखिएको बताए ।
जेसिबी चालकलाई सल्यान जिल्ला अदालतबाट २० दिनको म्याद थप गरी थप अनुसन्धान गरी रहेको उनको भनाई छ । घटना भएको दिन जेसिबी बाहेक अन्य कुनै सवारी साधन उक्त सडकबाट नहिँडेकाले जेसिबिकै ठक्करबाट मृत्यु भएको अनुसन्धानमा देखिएको प्रहरी प्रमुख थापाले बताए ।
सवारी ज्यान अन्तर्गत हिरासतमा राखी अनुसन्धान गरी रहेका छौ उनले भने । सोधपुछका लागि नियन्त्रणमा लिएका अन्य दुई जनालाई छोडिएको प्रहरीले जनाएको छ ।
शनिवार बेलुका खत्री माइतीमा जान भनेर घरबाट हिडेकी थिइन । खत्रीको घर र माइती घरको दुरी झन्डै तीन किलोमिटर जति टाढा रहेको प्रहरीले जनाएको छ । उनको शव बीच बाटोमा फेला परेको थियो ।
.jpg)
