होमपेज / समाज
असोज १५,सल्यान
जिपको ठक्करले दुई विद्यार्थीको मृत्यु भएपछि स्थानीयले राप्ती राजमार्ग अवरुद्ध गरेका छन् ।
गाडी चालकलाई कारवाही र मृतक र घाइतेका परिवारलाई उचित क्षतिपूर्तिको माग गर्दै स्थानीयले राजमार्ग अवरुद्ध पारेका हुन ।
क्षतिपूर्ति दिने विषयमा सहमति नभएसम्म राजमार्ग सञ्चालन गर्न नदिने स्थानीयको भनाई छ । घटना भएको स्थानमा नै स्थानीयले सडकमा ढुङ्गा काठ राखेर अवरुद्ध गरेका छन् ।
ठूलो संख्यामा स्थानीयको सडकमा उपस्थिगित रहेको छ । एउटै गाउँका दुई जनाको मृत्यु भएपनि बरलाको गाउँ नै शोकमा डुबेको छ ।
यता प्रहरीले सडक सूचारु गर्ने विषयमा छलफल भइरहेको जनाएको छ ।
आज बिहान बागचौर देखि सल्यान खलंगा आउँदै गरेको लु २ च ५७०१ नम्बरको जिपले शारदा नगरपालिका –२ बाङ्गेसल्लामा रुखको छहारीमा बसी रहेका पाँच विद्यार्थीलाई ठक्कर दिएको थियो । ठक्कर दिँदा दुई जनाको उपचारको क्रममा दाङ्ग तुलसीपुरमा मृत्यु भएको थियो ।
.jpg)
