होमपेज / समाज
जेठ ११ २०७७,सल्यान
सल्यानको छत्रेश्वरी गाउँपालिकाले कोरोना भाइरस विरुद्ध खटिने कर्मचारी र जनप्रतिनिधिहरुको संस्थागत विमा गर्ने भएको छ ।
कोभिड १९ का विरुद्ध रोकथाम, नियन्त्रयण उपचार, व्यवस्थापन र स्वास्थ्यमा खट्ने जनप्रतिनिधि र कर्मचारीको अधिकतम रु १ लाखको संस्थागत कोरोना भाइरस जोखिम विमा गर्ने भएको हो ।
गाउँकार्यपालिकाको निर्णय अनुसार जोखिम मोलेर कार्यमा खटिने सबैको विमा गर्ने निर्णय भएको गाउँपालिका अध्यक्ष शन्तोष केसीले बताए । उनले भने कोरोना भाइरसको रोकथाम, उपचार, व्यवस्थापन र स्वास्थ्यमा खटिने कर्मचारी र जनप्रतिनिधिको एक लाख सम्मको विमा गर्ने निर्णय गरेका छौं । अहिलेको यो संकट तथा जोखिमको अवस्थामा खटिनु हुने जनप्रतिनिधि र कर्मचारीको विमा गराइन्छ उनले भने ।
दोस्रो चरणको राहत वितरण
गाउँपालिकाले लकडाउनका कारण दैनिक ज्याला मजदुरी गरी खाने अति विपश्न्न सातै वडाका परिवारलाई दोस्रो चरणको राहत वितरण गर्ने भएको छ ।
नेपाल सरकारले कोरोना भाइरस संक्रमण हुन नदिन जारी गरेको लकडाउनका काराण दैनिक जीविकोपार्जज गर्न समस्या भएका अतिविपन्न घरपरिवारलाई दोस्रो चरणको राहत दिने निर्णय गरेको अध्यक्ष केसीले बताए । पहिलो चरणो राहत वितरण सकिएता पनि बन्दाबन्दीका कारण दोस्रो चरणको राहत वितरण कार्य सुरु गर्न लागिएको उनको भनाई छ ।
वडा कार्यालयले सर्वदलिय र सर्वपक्षिय राय सुझाव संकलन गरी रहेको र उक्त राय सुझाव र कार्यालय को मापदण्डका आधारमा दैनिक मजदुरी बाहेकअन्य विकल्प नभएका सातै वडाका अति विपन्न परिवारलाई राहत वितरण गरिने अध्यक्ष केसीको भनाई छ ।
.jpg)
