होमपेज / समाज
फागुन १३,सल्यान
सुर्खेत सिम्ता गाउँपालिका-६ को जामुने बजारमा आइतबार साँझ मोटरसाइकल र ट्याक्टर ठोकिदा वाइकमा सवार एक जनाको घटनास्थलमै मृत्यु भएको छ ।
जाजरकोट तर्फ जाँदै गरेको बा ९५ प ५२९६ नम्बरको बुलेट मोटरसाइकल र जामुने बजार देखि राकम तर्फ आउँदै गरेको भे १ त ४५ नम्बरको ट्याक्टर वजारमै एकआपसमा ठोकिएका थिए ।
ठोकिदा मोटरसाइकलमा सवार सुर्खेत वीरेन्द्र नगरपालिका वडा ३ निवासी वर्ष २९ का विजय रानाको घटना स्थलमै मृत्यु भएको छ ।
मोटरसाइकल चालक वीरेन्द्र नगरपालिका १ निवासी वर्ष २३ का रुपेश गिरीको अवस्था भने चिन्ताजनक रहेको इलाका प्रहरी कार्यालय वादेपिपल राकमले बताएको छ । उपचारका लागि गिरीलाइ अहिले सुर्खेत लगिएको छ । ट्याक्टर , ट्याक्टर चालकलाई प्रहरी नियन्त्रणमा रहेको जनाएको छ ।
.jpg)
