होमपेज / समाज
फागुन ११,सल्यान
सल्यान प्रहरीले सार्वजनिक हित विरुद्धको कसुर (अभद्र व्यवहार) मुद्दाका फरार अभियुक्तलाई पक्राउ गरेको छ । झण्डै दुई महिना देखि फरार सल्यान शारदा नगरपालिका १० का २६ वर्षीय कमल खड्कालाई सदरमुकाम खलंगाबाट पक्राउ गरेको हो ।
जिल्ला प्रशासन कार्यालय सल्यानले खड्कालाई २०८० पुस २४ गते १५ दिन कैद र ९ हजार ८०० जरिवाना तोकेको थियो । फरार खड्कालाई शुक्रबार दिउँसो खलगामा हिडडुल गरिरहेको अवस्थामा पक्राउ गरिएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो ।
पक्राउ परेका खड्कालाई फैसला कार्यन्वयनका लागि जिल्ला प्रशासन कार्यालय सल्यानमा बुझाइएको उहाँको भनाई छ ।
.jpg)
