होमपेज / समाज
कार्तिक २० सल्यान
सल्यानमा भुकम्पबाट ५२६ घरमा क्षती भएको छ । गत शुक्रबार जाजरकोट केन्द्रबिन्दु भएर गएको भुकम्पबाट सल्यानमा ५२६ घरमा क्षती पुगेको हो ।
९५ घर पुर्ण,२५६ आंशिक र १७२ घरमा सामान्य क्षती पुगेको जिल्ला प्रशासन कार्यालय सल्यानले जानकारी दिएको छ ।कार्यालयका अनुसार सबै भन्दा बढी दार्मा गाउँपालिकामा ३९८ घरमा क्षती पुगेको प्रमुख जिल्ला अधिकारी बेद प्रशाद खरेलले जानकारी दिनु भयो । दार्मामात्र ९३ वटा पर्ण, २३६ आंशिक र ६८ घरमा सामान्य क्षती पुगेको उहाँले बताउनु भयो । क्षतिको विवरण संकलन भइ रहेकोे र क्षतिको विवरण बढन सक्ने उहाँले बताउनु भयो ।
यस्तै बागचौर नगरपालिकामा २६, बनगाड कुपिन्डे नगरपालिकामा ५२,कपुरकोट गाउँपालिकामा २६,सिद्ध कुमाख गाउँपालिकामा २०, शारदा नगरपालिकामा ३, त्रिवेणी गाउँपालिकामा १ घरमा क्षती पुगेको खरेलले जानकारी दिनु भयो ।
भुकम्पले क्षती पुगेपछी पीडित खुला आकाशमुनी बस्न बाध्य भएका छ्न । पीडितले जाजरकोट र रुकुम पश्चिममा केन्द्रित भएको तर आफुलाइ वास्ता नगरेको उनीहरुको गुनासो रहेको छ ।
मानवीय क्षती नभए पनि रुकुम र जाजरकोट बराबर भौतिक क्षती भएको दार्मा गाउँपालिका अध्यक्ष निम बहादुर के सी ले बताउनु भयो । दार्माका धेरै नागरिक खुला आकशमुनी बस्न बाध्य भएको र पालिकाको स्रोतले राहत वितरण गरि रहेको के सीको भनाइ छ ।
.jpg)
