होमपेज / समाज
सल्यानमा विदेशबाट आएका १५ जना क्वारेनटाइनमा
चैत १६, सल्यान
सल्यानमा विदेशबाट आएका १५ जनालाई क्वारेनटाइनमा राखिएको छ । वैदेशिक रोजगारीका लागि विभिन्न देशमा पुगेका १५ जना क्वारेनटाइनमा रहेको त्रिवेणी गाउँपालिकाले जनाएको छ ।
राधेश्याम माध्यमिक विद्यालय काराँगिठीमा ११ जना र जनता माध्यमिक विद्यालय काभ्रामा चार जनालाई क्वारेनटाइनमा राखिएको त्रिवेणी गाउँपालिका स्वास्थ्य प्रमुख प्रभात कुमार श्रेष्ठले जानकारी दिए । भारत लगायत अन्य मुलुकबाट आएका व्यक्ति क्वारेनटाइनमा बसेको उनको भनाई छ । उनले भने विदेशबाट आएका व्यक्तिहरुको विवरण संकलन गरी संकलिन व्यक्तिहरु क्वारेनटाइन बसी रहेका छन् । शनिबार ८ जना र आज थप ५ जना क्वारेनटाइनमा बसी रहेको श्रेष्ठले बताए । उनीहरुमा अहिलेसम्म कोरोनाका कुनै लक्षण देखा नपरेको उनको भनाई छ ।
क्वारेनटाइनमा बसेका सम्पूर्ण व्यक्तिहरुको खानाबस्नको व्यवस्था गाउँपालिकाले गरेको छ ।
२८४ जना होम क्वारेनटाइनमा
यस्तै सल्यानमा २ सय ८४ जना होम क्वारेनटाइनमा बसी रहेका छन् । कामको शिलशिलामा विभिन्न देशमा पुगी फर्किएका २ सय ८४ जना होम क्वारेनटाइनमा बसी रहेका हुन । दार्मा गाउँपालिकामा २ सय ३ र बागचौर नगरपालिकामा ८१ जना होम क्वारेनटाइनमा बसी रहेका छन् ।
दार्मा गाउँपालिकामा २ सय भारत र ३ जना अन्य देशबाट आएका व्यक्ति क्वारेनटाइनमा बसी रहेको दार्मा गाउँपालिका अध्यक्ष निम बहादुर केसीले बताए ।
यस्तै बागचौर नगरपालिकामा ७३ जना भारत, मलेशियाबाट १, कतारबाट ३ र कुवेतबाट आएका ४ जना होम क्वारेनटाइनमा बसी रहेको नगरपालिकाले जनाएको छ ।
अन्य स्थानीय तहले विदेशबाट आएका नागरिकहरुको तथ्यांक संकलन गरी रहेको छ ।
.jpg)
