होमपेज / समाज
जेठ १२,सल्यान
अपाङ्गता भएका व्यक्तिहरूको सीप विकास गर्ने, सीप विकास गरी आय आर्जन सिर्जना गरेर आत्मनिर्भर बनाउने उद्देश्यका साथ बनगाड कुपिण्डे नगरपालिकामा मुडा बुनाइ तालिम सञ्चालन गरिएको छ ।
वनगाड कुपिण्डे नगरपालिका महिला तथा बालबालिका शाखाको आयोजना उक्त कार्यक्रम उद्घाटन गरिएको हो । अपाङ्गता भएका व्यक्तिहरूलाई घरमा नै बसेर केही सीप सिकाएर सक्षम बनाउने उद्देश्यले कार्यक्रमको आयोजना गरिएको आयोजकले जनाएको छ । आफ्नो व्यवहारमा परिवर्तन गर्न सक्ने , केही सीप सिक्ने उद्देश्यका साथ नगरपालिकाले उक्त कार्यक्रम सञ्चालन गरेको मेयर कर्ण बहादुर बुढाथोकीले बताउनु भयो ।
अपाङ्गता भएका व्यक्तिलाई स सम्मान जीवन निर्वाह गर्न सहयोग पुर्याउने, रोजगारीको सिर्जना गर्ने,अपाङ्गता भएका व्यक्तिहरू लाई आर्थिक सशक्तीकरण गर्ने, लगायतका सीप विकास कार्यक्रम आयोजना गरिएको उहाँको भनाई छ । नगर प्रमुख कर्ण बहादुर बुढाथोकीले अपाङ्गले पनि सपाङ्ग सरह काम गर्न सकिन्छ भन्दै आत्मविश्वास बढाएर काम गरेमा सीप सिक्न सकिने समेत उहाँले बताउनु भएको छ । बिस्तारै सबै अपाङ्गहरूलाई सीप सिकाउने बताउनु भएको छ ।
आफूले केही गर्न सक्छौ भन्ने सोच आत्मविश्वास बढाएर लाग्नु होला निरन्तरता दिन नै सिपको लागि महत्त्वपूर्ण भएको नगर उप प्रमुख पुरुषोत्तम आचार्यले बताउनु भएको छ ।
कार्यक्रम नगर प्रमुख कर्ण बहादुर बुढाथोकी, उप प्रमुख पुरुषोत्तम आचार्य, प्रमुख प्रशासकीय अधिकृत जगतबहादुर घर्ती, १ न वडा अध्यक्ष थुम बहादुर बिसी, इन्जिनियर महेश देवकोटा महिला शाखा प्रमुख निरु शाही, लक्ष्मी शाही लगायत प्रशिक्षार्थीको सहभागिता रहेको थियो ।
.jpg)
